ابنة "فاهيتا" والحديدي في وصلة "ألش": بتاخدي دوا اكتئاب أومال المشاهد ياخد إيه؟
ابنة "فاهيتا" والحديدي في وصلة "ألش": بتاخدي دوا اكتئاب أومال المشاهد ياخد إيه؟

أجرت الدمية "كارو"، ابنة الدمية الشهيرة"أبلة فايهتا"، إنترفيو مع الإعلامية "لميس الحديدي، استعدادا للقائها مع "فاهيتا" في برنامج "في الدوبليكس" على قناة "سي بي سي".

وجرى الإنترفيو على هيئة "وصلة قلش" ممتدة بين لميس وكارو:

كارو: اسمك خماسي

لميس: لميس علي محمد علي الحديدي

كارو: السن بالكامل

لميس: 35 سنة و3 شهور و8 أيام

كارو: عندك أخوات؟

لميس: أه، ولد

كارو: من نفس المعدن؟

لميس: أيوة، أومال حايبقى أنا الحديدي وهو الصفيحي.

كارو: ليه ما خلفتيش بنات؟

لميس: خفت أجيب بنت تاخد فساتيني

كارو: طلعت بتلبس من قسم الأطفال

كارو: نفسك تربي حيوانات؟

لميس: مرة جبنا عصافير، خفت عمرو يأكلهم، جبنا بغبان فبقى 3 في البيت أنا وهو وعمرو فسربته

كارو: بتغيري من مين من مذيعات "سي بي سي"؟

لميس: بغير من القمرات بتوع "إكسترا نيوز"وهما بيقولوا نشرة الأخبار

كارو: بتبص في نشرة غيرها

كارو: إيه أكتر تمن دفعتيه في الصحافة؟

لميس: التهديدات أكبر تمن دفعته عن الخبطات الصحفية

كارو: عليها تار

كارو: إيه يخليكي تعتزلي؟

لميس: لما التلفيزيونات تقفل

كارو: الريموت لا يزال في جيبها

كارو: هل انبهارك بعماد أديب سبب زواجك من عمرو؟

لميس: تصدقي فكرة

كارو: جواز مصالح

كارو: كام في المية من كرش عمرو أديب مسؤوليتك؟

لميس: مسؤولية حماتي

كارو: ما بتعرفش تطبخ

كارو: إيه آخر دوا اخدتيه؟

لميس: أدوية الصداع والاكتئاب

كارو: أومال المشاهد ياخد ايه؟

كارو: إمتى طلعت أول شعرة بيضا؟

لميس: أول مرة زعقت في فريق العمل

كارو: وعملتي ايه؟

لميس: صبغتها

كارو: صبغ صحفي؟

كارو: عمرك ضربتي حد؟

لميس: لا

كارو: ولا ضربتي خبر؟

كارو: إيه آخر حاجة سرقتيها؟

لميس: سرقت الأضواء منك ومن أمك

كارو: إيه أكتر 11 حاجة عايزة تغيريها في شخصيتك؟

لميس: رقتي وحلاوتي وصوتي الواطي

كارو: ابنك عامل فولو لكارديشيان ومش عاملك وبيشير حاجة باباه على الفيس وانت لا

لميس: انا غلبانة ماعنديش فلوس اجيب رونالدو وميسي

المصدر : الوطن